Mere Rab Ki Mujh Per Inayat Hoi
Kaho Bhi To Kese Ibadat Hoi
Haqeqat Hoi Jese Mujh Per Ayaan
Qalam Ban Gya Hai Khuda Ki Zuban
Mukhatib Hai Banday Se Parwardigar
Tu Husn e Chamman Tu He Rang e Bahaar
Tu Miraj e Fun Tu He Fun Ka Singhar
Musavvir Hoon mein Tu Mera Shahkaar
Ye Subhey Ye Shamey Ye Din Or Raat
Ye Rangeen Dilkash Haseen Kainat
Kay Hooroon Malaik O Jinnat Mein
Kya Hai Tujhy Ashrafulmakhluqat
Meri Azmatoon Ka Hawala Hai Tu
Tu He Roshni Hai Ujala Hai Tu
Farishtoon Se Sajda Bhi Karwa Diya
Kay Tere Liye Mein Ne Kiya Na Kia
Ye Dunai Jahaan Bazm Arayaan
Ye Mehfil Ye Mele Ye Tanhayaan
Falak Ka Tujhy Shamyana Dia
Zameen Per Tujhy Abo Dana Dia
Milay Absharoo Se Bhi Hoslay
Pahadoo Mein Tujh Ko Diye Rastay
Ye Pani Hawa Or Shams O Qamar
Ye Moj e Rawa Ye Kinara Bhanwar
Ye Shakoon Pey Gunchay Chataktay Howey
Falak Pey Sitarey Chamaktay Howay
Ye Sabzay Ye Pholoon Bhari Kiyariyaan
Ye Panchi Ye Odti Hoi Titliyaan
Ye Shola Ye Shabnam Ye Mitti Ye Sang
Ye Jharnoo Kay Bajtay Howey Jal Tarang
Ye Jhiloon Mein HAstay Howey Se Kanwal
Ye Dharti Pey Mosam Ki Likhi Ghazal
Ye Sardi Ye Garmi Ye Barish Ye Dhoop
Ye Chehra Ye Qad Or Ye Rang o Roop
Darindoon Charindoon Ko Qaboon Diya
Tujhy Bahi De Kar Kay Bazoon Diya
Behan Di Tujhy Or Shareek e Saffar
Ye Rishtay Ye Natay Ye Gharana Ye Ghar
Kay Olaad Bhi Di Diye Waledain
Alif Laam Meem Qaaf Or Aeen Gain
Ye Aqal o Zahanat Shaoor o Nazar
Ye Basti Ye Sehra Ye Khushki Ye Tar
Or Os Per Kitabain Hidayat Bhi Di
Nabi Bhi Otaray Shariyat Bhi Di
Garz Kay Sabhi Kuch Hai Tere Liye
Bta Kia Kya Tune Mere Liye
No comments:
Post a Comment