https://youtu.be/qZHFEiIVM5Y
śrī viṣṇōḥ ṣōḍaśanāmastōtram
auṣadhē cintayēd viṣṇuṃ bhōjanē ca janārdanam
śayanē padmanābhaṃ ca vivāhē ca prajāpatim
yuddhē cakradharaṃ dēvaṃ pravāsē ca trivikramam
nārāyaṇaṃ tanutyāgē śrīdharaṃ priyasaṅgamē
dussvapnē smara gōvidaṃ saṅkaṭē madhusūdanam
kānanē nārasiṃhaṃ ca pāvakē jalaśāyinam
jalamadhyē varāhaṃ ca parvatē raghunandanam
gamanē vāmanaṃ caiva sarvakālēṣu mādhavam
ṣōḍaśaitāni nāmāni prātaruthāya yaḥ paṭhēt
sarvapāpavinirmuktō viṣṇulōkē mahīyatē
śrī viṣṇōḥ ṣōḍaśanāmastōtraṃ samāptam.
No comments:
Post a Comment