Sribhagavaddhyanasopanam

antarjyotih kimapi yaminamanjanam yogadrsteh
cintaratnam sulabhamiha nah siddhi moksanurupam
dinanatha vyasana samanam daivatam daivatanam
divyam caksuh sruti parisadam drsyate ranga madhye.

velatita sruti parimalam vedhasam mauli sevyam
pradurbhutam kanaka saritah saikate hamsa juste
laksmi bhumyoh kara sarasijairlalitam rangabhartuh
padambhojam pratiphalati me bhavana dirghikayam.

citrakaram kataka rucibhiscaru urttanupurvam
kale dutya drutatara gatim kanti lila kalacim
janucchaya dviguna subhagam rangabharturmadatma
jangham drstva janana padavi janghikatvam jahati.

kamarama sthira kadalikastambha sambhavaniyam
ksaumaslistam kimapi kamala bhumi nilopadhanam
nyancatkanci kirana ruciram nirvisatyuru yugmam
lavanyaugha dvayamiva matirmamika ranga yunah.

samprinati pratikalamasau manasam me sujata
gambhiratvat kvacana samaye gudha niksipta visva
nalikena sphurita rajasa vedhaso nirmimana
ramyavarta dyuti sahacari ranganathasya nabhih.

srivatsena prathita vibhavam sri pada nyasa dhanyam
madhyam bahvormanivara ruca ranjitam rangadhamnah
sandracchayam taruna tulasi citraya vaijayantya
santapam me samayati dhiyascandrikodara haram.

ekam lilopahitamitaram bahumajanu lambam
prapta range sayiturakhila prarthana parijatam
drpta seyam drdha niyamita rasmibhirbhusananam
cinta hastinyanubhavati me citramalana yantram.

sabhipraya smita vikasitam caru bimbadharostham
duhkhapaya pranayini jane dura dattabhimukhyam
kantam vaktram kanaka tilakalankrtam ranga bhartuh
svante gadham mama vilagati svagatodara netram.

malyairantah sthira parimalairvallabha sparsa manyaih
kupyaccoli vacana kutilaih kuntalaih slista mule
ratnapida dyuti sabalite rangabhartuh kirite
rajanvatyah sthitimadhigata vrttayascetaso me.

padambhojam sprsati bhajate ranganathasya jangham
urudvandve vilagati sanairurdhvamabhyeti nabhim
vaksasyaste valati bhujayormamikeyam manisa
vaktrabhikhyam pibati vahate vasanam mauli bandhe.

kantodarairayamiha bhujaih kankana jya kinankaih
laksmi dhamnah prthula parighairlaksitabhiti hetih
agre kimcidbhujaga sayanah svatmanaivatmanah san
madhye rangam mama ca hrdaye vartate savarodhah.

rangasthane rasika mahite ranjitasesa citte
vidvatseva vimala manasa venkatesena klptam
aklesena pranihita dhiyamaruruksoravastham
bhaktim gadham disatu bhagavaddhyana sopanametat.

iti sribhagavaddhyanasopanam samaptam.