verse
Prem Prabhu ka baras raha hai
Pee le amrit, pyaase
Saaton teerath tere andar
Baahar kise talaashe?
pre-chorus
Kan-kan mein Hari, kshan-kshan mein Hari
Muskaanon mein, ansuvan mein Hari
chorus
Mann ki aankhein tune kholi
Toh hi darshan paayega
Pata nahin kis roop mein aakar
Narayan mil jaayega
Pata nahin kis roop mein aakar
Narayan mil jaayega
verse
Niyati bhed nahin karti
Jo leti hai, woh deti hai
Jo boyega, woh kaatega
Yeh jag karmon ki kheti hai
Niyati bhed nahin karti
Jo leti hai, woh deti hai
Jo boyega, woh kaatega
Yeh jag karmon ki kheti hai
pre-chorus
Yadi karm tere paavan hain sabhi
Doobegi nahin teri naav kabhi
chorus
Teri baah pakadne ko
Woh bhes badal ke aayega
Pata nahin kis roop mein aakar
Narayan mil jaayega
Pata nahin kis roop mein aakar
Narayan mil jaayega
verse
Neki vyarth nahin jaati
Hari lekha-jokha rakhte hain
Auron ko phool diye jisne
Uske bhi haath mehekte hain
Neki vyarth nahin jaati
Hari lekha-jokha rakhte hain
Auron ko phool diye jisne
Uske bhi haath mehekte hain
pre-chorus
Koi deep mile toh baati ban
Tu bhi toh kisi ka saathi ban
chorus
Mann ko Manasarovar kar le
Toh hi moti paayega
Pata nahin kis roop mein aakar
Narayan mil jaayega
Pata nahin kis roop mein aakar
Narayan mil jaayega
verse
Kaan laga ke baatein sun le
Sookhe huye darakhton ki
Leta hai Bhagwan pareeksha
Sab se pyaare bhakton ki
Ek prashn hai gehra
Jiski Hari ko thaah lagani hai
Teri shraddha sona hai
Ya bas sone ka paani hai
pre-chorus
Jo phool dhare har daali par
Vishwas toh rakh uss maali par
chorus
Tere bhaag mein patthar hai
Toh patthar bhi khil jaayega
Pata nahin kis roop mein aakar
Narayan mil jaayega
Pata nahin kis roop mein aakar
Narayan mil jaayega
Pata nahin kis roop mein aakar
Narayan mil jaayega
No comments:
Post a Comment